Adicado os/as que viven algunha ausencia.

RECORDOS

p/ Joaquín Vilar Gómez

A nosa infancia é un retrato,

un pasado en branco e negro,

lembranzas de anos idos

polas rendixas do tempo.

Fotos de cores marelas,…

de experiencias xa vividas,

unhas de risas e festas

outras de dores sufridas

Mirar atrás non é retroceso,

eu diría lei de vida,

aínda que ollando en exceso

xurda algunha ferida.

O pasado non sempre pasa,

moitas veces permanece,

o presente non ten memoria

e o futuro adoece.