Veu Chuvasco a dúas velas.

 Facsímiles en fibrapán,
cruceiristas damiselas
-envexa das pasarelas-,
campechano o capitán;
ao abeiro das xanelas,
bergantíns, dornas, gamelas…; 
singradura a ras do chan,
navegantes de verán,
marexada en pantalán:
Veu Chuvasco a dúas velas.

Veu Chuvasco a dúas velas;
amordaza o curricán,
moratoria ás carabelas;
moralista, en capelán,
amortalla bagatelas.

(Rioderradeiro)