Aínda que Antón non naceu en Torea nunca está lonxe do lugar que veu nacer os seus antepasados. Dende Bos Aires lembra a súa terra querida e as súas xentes, aportándonos a diario unhas fermosas fotos que él fixo durante a súa estancia entre nós fai uns meses.

As fotos de Antón, cheas de cor e nostalxia, fannos ver o rural muradán doutra maneira. Son estampas do día a día dunha terra viva; unha terra e unhas xentes nunca esquencidas, que se fan presentes de forma natural. E no fondo de todo… como feitas, non por unha cámara, feitas polo corazón sinxelo de quen ama os seus, e lonxe deles, os lembra a cada momento.