SOÑO

p/ Agustín González López

Fotografía: Nieves Formoso Vidal.

Vai a lúa vencida,

corre vento de fóra;

vagan luces na Braña,

tose a curuxa rouca…

e polo chan da Granda

vai un home a deshora,

co corazón tremente

como unha escura folla,.

Lonxe as luces de Louro,

vagalumes na sombra…

Cae unha estrela ao mar…

Uns pasos que resoan.

Pola Area Maior

as altas ondas rolan

E un corazón que treme

como unha escura folla.,.