Carta do Director

Comezo con un agradecemento persoal a todos os que co seu saber e esforzo Imagen1posibilitaron que TMT continúe mantendo con orgullo o lema de ser unha xanela aberta para todos os muradáns.

Empezamos esta empresa co atrevemento propio do neófito sen imaxinarnos nunca que chegariamos a alcanzar con tanta satisfacción o terceiro ano de circulación. O éxito débese o atopar unha veta riquísima de talento desde un principio e que se prestou desinteresadamente a ser parte da primeira revista dixital da historia muradá. Puxemos The Muros Times ao servizo dos muradáns e estes non nos defraudaron, por iso as nosas páxinas seguen sempre abertas para todos aqueles que teñan algo que ofrecer e quéirano compartir en galego ou en castelán, os requisitos son simples: encher uns cuantos folios sobre temas culturais do noso pobo, xa sexa a nivel individual ou representando a un grupo. Para moitos, o proceso foi motivo dunha gran satisfacción e aposto a que o seguirá sendo para moitos máis. Poño especial énfase en estender a invitación a todos aqueles veciños que aínda sendo do concello, residen noutras terras, a eses en particular gustaríame que se unisen ao noso labor de divulgación e que fose TMT a ferramenta de achegamento entre os de dentro e os que estamos noutros lugares do mundo.

As catro versións de TMT xa sexan na súa páxina de fb, o seu blogue ou o seu na súa versión dixital, ademais dun limitado número de revistas impresas para as bibliotecas e escolas, segue atraendo un público numeroso, interesado e curioso polo que publicamos de maneira periódica. E así, o blog de TMT, nos seus pouco mais de oito meses de vida ten xa 643 entradas, 22.900 visitas sendo o día máis visitado o 10 de abril  de 2015, (965 visitas); os domingos os días de mais visitas (18%), e sobre as 19,00 horas, o momento do día que máis visitas recibe (11 %); amais de ter recibido visitas de internautas de tódolos países do mundo.

Creo que cumprimos  satisfactoriamente co propósito de abordar diferentes e variados campos da cultura local como A Nosa Lingua, A Nosa Xente, A Voz dos Nosos Poetas, Contos e Lendas, A Nosa Xente na Diáspora, Educación, Historia, Medicina, Musica, Natureza, Entrevistas… Isto foi i é posible grazas ao entusiasmo e dedicación de todos vós que como colaboradores sempre vos esforzástedes por demostrar que o noso pobo é hoxe como o foi a través de toda a súa historia, berce de persoas con gran sensibilidade e intelixencia.

Todos, sen diferenza, lograstes poñer a TMT no mapa. Para vós que sodes demasiados para poder enumerar aquí e para todos os queredores de Muros, vaia o meu cordial e sincero desexo dunhas Felices Festas e un Próspero Ano Novo.

Jorge Lago

 

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Esta entrada fue publicada en Cartas da Redacción. Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s