p/ Agustín González López

Fotografía: Nieves Formoso Vidal

 XUNCOS

¡Xunqueiras da Lagoa¡

Afianse no ar,

tremen nas augas,

fios de viva sombra…

Van e veñen e arden;

dinse, néganse, voan

Tecen á luz da lúa,

libres danzas nas ondas…

Sombras dos xuncos, liñas

que no lago se perden,

curvándose, afiándose,

vivos, nas augas verdes…

Sombras dos xuncos, soños

que foxen, van e veñen,

que navegan, sen írense

pola auga de sempre…