p/ Manolo de Lajo

En Laxeiras, lugar da parroquia de Serres (Muros), encóntrase unha pequena illa coñecida como illa de San Antón, Santantón para os lugareños. Contan as lendas mitolóxicas que tanto o Alén como o inferno están en duas illas de Occidente, non moi lonxe do Finisterrae dos antíguos romans. Dase por feito que o inferno está na illa de Ons, na cova sin fondo coñecida como buraco ou porta do inferno; contaban os antíguos moradores que nas noites de temporal se escoitaban os lamentos das almas en pena. Por outro lado tamén apareceron algúns escritos donde sinalan a San Antón como o último santo en botarlles a bendición as almas boas antes de emprenderen a súa viaxe o Alén, dahí que se créa que a súa porta esta nesta illa ou nalgún lugar da costa entre Laxeiras e Abelleira. Posiblemente en Pedra Carneira, pedra que con marea baixa escorada asoma como a entrada dunha cova por donde sale o arneirón que antigamente se usaba para cubrir as campas dos mortos; reseñar que o único sítio da costa donde se pode conseguir arneirón, é Pedra Carneira. Un tanto misteriosa a relación do arneirón cos mortos, e que ese sea o único lugar donde conseguilo ¿nonsi?. Para rematar non ten moito sentido que unha illa tan pequena como a de San Antón tivera unha capela no seu cúmio, a non ser que hubera unha creenza moi forte para que tal obra fose feita.