25 aniversario da agrupación folclórica Ximiela

P/ Quín Caamaño
ximiela-A Agrupación Folclórica Ximiela de Louro celebra no mes de Maio o seu 25 aniversario, por tal motivo desde The Muros Times quixemos achegarnos a Louro para que nos conten un pouco a historia e os momentos mais relevantes da Agrupación.
-Ximiela non se creaba para ser un grupo folclórico internacional nin fastoso, senón para unha meta máis común pero non menos importante: recuperar as nosas tradicións, as nosas raíces o noso folclore. Foi todo pasiño a pasiño, sen pretensión ningunha e deste xeito comezaron a xurdir pequenas oportunidades: as primeiras actuacións, os viaxes fóra de Galicia, os novos traxes, as aparicións televisivas, a gravación do disco, a publicación do libro A indumentaria tradicional galega: O traxe de Muros, as exposicións dos nosos traxes, e agora o noso 25 aniversario que terá lugar na Antiga Fábrica de Sel o vindeiro 25 de Maio.
¿Cómo empezou o grupo de baile?
En 1988 no seo da A.N.P.A: do Colexio Público de Louro, nace un grupo de baile tradicional coa intención de que os xoves de Louro mostraran interese polo noso folclore xa casi esquencido entre a poboación nova e non tan nova do pobo. Con moita ilusión e sin experiencia o grupo vai collendo forma es os rapaces e rapazas vanse involucrando cada vez mais. Empezan con actuacións no colexio, na vila e ata fora do Concello.
-Fundación do Grupo Ximiela.
No ano 2002, necesitábamos que o grupo tuvera entidade propia, con estatutos e una directiva. Ese foi o motivo de independizarnos da ANPA do Colexio e creamos A Agrupación Folclórica Ximiela.
¿Por qué o nome de Ximiela?
O 24 de xuño de 1908, día de San Xoán, o afundimento dun vapor-correo chamado Larache alarmaba a parroquia de Louro embarrancando no baixío de Ximiela. A xente de Louro e veciños da vila de Muros socorreron a tripulantes e pasaxeiros da embarcación sen sorprenderse da traxedia que por desgraza non era a primeira vez. O mar quixo levar con el 91 vidas que viaxaban nese correo-mixto que tiña como ruta Vigo – A Coruña. Os 60 náufragos foron enviados ó seu destino; recibindo así máis tarde un telegrama da compañía transatlántica o agradecemento polos auxilios prestados ós fillos nobres de Muros.
Por este lugar situado no océano Atlántico fronte a Montelouro, en lembranza do labor humanitario, os compoñentes da agrupación acordamos que levase o nome: “XIMIELA”.
-Xa dende os inicios comenzáchedes a actuar fora de Louro. ¿Cómo xurdiron as viaxes?
Os primeiros viaxes foron intecambios culturais con outros grupos de diferentes sitios. Un co que estivemos máis en contacto e viaxamos a súa terra foi “Maura Xeva” de Avilés, ademáis de ser un dos primeiros grupos en acollernos.
Máis tarde iríamos ata a Badalona, Santurce, Madrid, Viana do Castelo, Oviedo… sen olvidarnos moitos lugares da nosa terra. Todos estes viaxes foron experiencias marabillosas para Ximiela, novas amistades, novos lugares, novas ilusións e sobre todo foron un xeito de unir máis o grupo e sentir que hai recompensa despois de tanto traballo.
-Os traxes que lucides nas galas son verdadeiras xoias. ¿Qué traballo hai detrás?
Cos anos Ximiela foise establecendo e collendo experiencia e comezou a inquedanza de realizar novos traxes pero para iso foi necesario investigar o noso traxe. Sobre todo existía e existe unha especial predilección pola recuperación da indumentaria muradana. Petamos moitas portas para que nos ensinasen esas reliquias que alghúns afortunados posúen, vimos moitas fotos, escoitamos moitos recordos de xente maior e limos a pouca información escrita que existe.
Todo este traballo é totalmente artesanal e realizado polos propios membros de Ximiela, moitas delas parte da directiva da asociación. Elas intentan reproducir ata o máis mínimo detalle para ser o máis fieis posible ao traxes antigos, desde os botóns ata o voo das saias.
-Outro dos ambiciosos proxectos do grupo foi a publicación do libro “A indumentaria Tradicional Galega”. ¿Por qué un libro?
A Agrupación conta cun vestiario moi variado, con traxes de gala, entre o que destaca o traxe de Muradana, traxes de cotío e traxes de época.
A historia do libro naceu a partir da idea dun calendario e mira no que acabou. Ximiela tiña a intención de realizar un calendario con fotos do noso traxe. O fotógrafo encantoulle os nosas vestimentas e comentounos porque non facíamos un libro todo ese material. E así xunto coa colaboración da Deputación de A Coruña publicamos A indumentaria tradicional galega: O traxe de Muros. Esta publicación levounos a facer unha serie de exposicións pola provincia de A Coruña e tamén en Madrid, Santurce e Viana do Castelo; ademáis de isto naceu a nosa colección de bonecas.
-Non só realizades os traxes, rebuscades no folclore senón que tamén tendes un disco editado.
Outro momento marabilloso para o grupo foi a gravación do noso disco que leva nome do grupo. Baixo a dirección de Pablo Seoane e ca Fundación Paideia fomos ata o estudo Mans para realizar o noso primer traballo discográfico, baixo a dirección de Pablo Seoane.
-Este mes de Maio celebrades o 25 aniversario, para elo grabástedes un spot para anunciar A Gala. ¿Qué nos podedes adiantar a The Muros Times?
Ca gala que estamos preparando para este 25 aniversario queremos demostrar que no noso pobo se poden facer cousas importantes e de calidade. Nesta actuación buscamos unha forma nova de “consumir” a cultura tradicional, crear espectáculo e que xente descubra o noso folclore ten o sufiente potencial para que se leve a grandes espazos.
É moi difícil preparar algo tan grande porque moitos dos rapaces estamos fóra estudando ou traballando pero facemos o sacrificio de vir todos os fins de semana porque pensamos que isto que estamos facendo vale realmente a pena. E xa non é só ensair, tamén é preocuparse desde cómo vai ser o cartel que vamos poñer ata se todas as pezas de roupa quedan adecuadamente a todos os membros.
Este 25 aniversario comezou ca gravación dun spot que ademáis de que foi realizado para promocionar a gala tamén foi unha actividade especial para os que formamos parte de Ximiela, sobre todo para os nenos que disfrutaron un montón.
Puxemos en marcha un blog onde tratamos temas do grupo, entrevistas a xente do folclore, o traxe galego, eventos importantes neste eido…
Gracias XIMIELA pola vosa colaboración, achegándonos toda a información e por brindarvos a realizar esta entrevista. Gracias que queremos facer extensivas o Grupo por todo ese traballo de recuperación do noso folclore.
Desde The Muros Times desexamos que a Gala sexa todo un éxito.

Anuncios

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Esta entrada fue publicada en Entrevistas y etiquetada , , . Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s