O día 3 de xaneiro de 1901, embarranca na Cova do Rego de Auga  o veleiro Inglés Sovereign  De Cardiff zarpou o bergantín inglés Sovereign o día 3 de xaneiro de 1901con rumbo a Vilagarcía . Ao chegar a altura da ría de Muros o temporal do SW arrepiaba e o capitán do Sovereing decidiu gorecerse no porto de Muros pero veu a embicar na mañá do día 7 na pequena enseada da Cova entre as puntas Rebordiño e A Vouga a escasos dous quilómetros da Vila.
O pouco de acontecer o naufraxio presentouse no lugar o axudante de mariña de Muros para coordinar o salvamento dos tripulantes do navío e tratar de salvagardar a súa carga.
Os mariñeiros ingleses foron axiña postos a salvo polas xentes de Muros sendo aloxados en casas da veciñanza ata seren repatriados.

O buque despezouse no lugar do seu embarrancamento, non sen antes ser visitado polos raqueiros que espoliaron parte do seu cargamento e das pertenzas dos tripulantes. Que despois de cumprido o deber de salvar as vidas dos tripulantes, tamén había que atender ás necesidades materiais!

Texto dun telegrama enviado polo axudante de mariña de Muros á comandancia militar de mariña da Coruña : 7 de xaneiro do 1901, Muros 12 da mañá:

“Esta madrugada embarrancou no punto da nosa costa denominado a Cova, o bergantín inglés Sovereing, Toda a tripulación foi salvada en botes . O buque no vai poder reflotarse. Comézase a sacar do mesmo os obxectos persoais dos tripulantes e a carga. Un bote pertencente ó canoneiro da Armada Española Vasco Núñez de Balboa saíu para prestar auxilios. As autoridades e veciños deste porto prestan excelentes servizos co motivo do sinistro”.