(Marcelo da Rabela)

O noso Marcelo, nado en Muros, un 17 de marzo de 1930, adicou toda a súa vida a louvar a Muros e a súas xentes. Como escritor e poeta, supo acercarnos o mais entrañable das xentes de Muros. Sempre aberto a participar en todalas iniciativas lúdicas e culturais, na sua xuventude foi secretario de Acción Católica Muradana; secretario da refundada Adoración Nocturna de Muros; membro fundador da Comisión da Cabalgada de Reises; Festa da Flor; Festival Mister Feo; Teatro Muradán. Articulista en Xornais galegos, foi tamén un gran colaborador da Folla Parroquial de Muros, na que foi autor de moitos artigos e de sentidos versos, nos que refrexou con sinxela pluma os seus mais íntimos sentimientos de amor á Igrexa.

O 28 de maio de 2011, o Salón de plenos do Concello de Muros visteuse de gala para acoller o acto de entrega da Medalla da Vila de Muros o noso benquerido veciño Marcelino García Lariño. Neste acto, acompañado dos seus familiares, Alcalde, Corporación municipal, e un gran número de amigos, Marcelo, visiblemente emocionado, recibeu a distinción, entre una salva de aplausos, que como campanas ó vento, anunciaban os muradanas, que se lle estaba a facer a un dos seus fillos mais queridos unha mais que merecida homenaxe por toda unha vida adicada a Vila que o veu nacer.

Dende estas páxinas de “The Muros Times”, non podemos menos que sumarnos a esta merecida homenaxe a este muradán egrexio, bo e xeneroso, e desexarlle que o seu amor a Vila e a suas xentes siga perdurado e que a sua presencia entre nos, siga alentando esos valores dos que él fixo bandeira sempre, que non outros que os de ser, por encima de todo, un “Queredor de Muros”.