Son de Carnota as leiteiras

Conto por toucas. Son cinco,
ben concentradas na estrada,
como encofrando mirada
para encarrilar o brinco.

Son de Carnota as leiteiras;
á vila, abrindo a mañán,
con caldeiretas na man
chegan, de cote, as primeiras.

En Muros venden patacas,
ovos, allos e cebolas
no mercado e polas rúas;

se con desprezo as atacas,
non por iso as descontrolas
nin o valor desvirtúas,

pola contra, inda acentúas
bautizo ao leite das vacas.

http://rioderradeiro-naeiroa.blogspot.com.es/