p/Manolo de Lajo
Non sei os máis novos, pero os que rondamos os cincuenta recordamos de escoitar a nosas nais o anoitecer «Vinde para casa que ahí vén a Ramponia».
Depois dun longo estudo do acontecido na zona e falar coa xente máis vella do lugar, descubrín que a Ramponia era unha mistura de lobo e raposa, cuxa moradía era en Campalvo, na coñecida vulgarmente como Cachola do Raposo.
A Ramponia ten forma de raposa, pero non se lle pode berrar, pois é xorda e non escapa. Agora sí, ten unha vista aguda e ve a través das paredes.
Cando baixa a aldea causa pánico e hai que deixarlle comer o que queira, como si son tódalas galiñas do galiñeiro. Si te acercas a ela enfróntase ensinandoche os colmillos afiados.
Fascina coa mirada e cando non topa presa o seu xeito, entra nos cemiterios para desenterrar os cadáveres e devoralos, de ahí que se inventara o nicho.