Acupuntura en araña.

p/ Manuel M. Pena Silva

Vén de varada e de proa,
foi rescatada da bruma,
alza pendente e alcuma
bela embalada de loa
libre do abrazo da escuma.

Ben enclavada en clausura,
en cabalete a vendaxe,
metida nave en cintura,
operación maquillaxe:
empaste, chapa, e pintura.

Velaí, fóra do baño,
nun hospital de campaña,
desde o pelexo ata a entraña,
a revisión de secaño:
Acupuntura en araña.

Mañá, regreso ao rabaño.

http://rioderradeiro-naeiroa.blogspot.com.es/