p/ Antonio Rey

LUME
Arde o lume
ilumina os rostros
quenta o ar
cambia as súas cores:
branco, azul, bermello,
móvese e refulxe

Coma no ventre da terra,
debaixo da súa pel de pedras,
a calor e a enerxía latexan

Arde o lume
hipnotiza os meus ollos
esvaece a escena…
Agora eleva o meu pensamento,
xa non son un,
estou irmandado,
un galego mas con morriña,
lonxe da terra amada.

Ollo o lume da queimada.