En idade non ten moitos anos, pero en experiencia da vida sí. Chámese Pedro Luces Barreiros, pero todos o coñecemos por Pedro do Ancho. Naceu no ,ano 1933 no moi muradán barrio de San Xosé. Seus país foron Ramón Luces Trigo e María Barreiros González. Con doce anos abandonou a escola para traballar co seu pai Ramón nas duras tareas da pesca. Con un sorriso nos beizos falame de cando saian para o Profundo, remando e remando nunha travesía que lles levaba catro horas. A pesca á liña; merluzas, as que viñeran… e logo outras catro horas para voltar a Muros. Tamén me dí das travesías a Fisterra (tamén a remo), nunha canoa propiedade d seu pai Pedro e que se chamaba Turita, e dime que hoxe as travesías son mais levadeiras, xa que os motores reman sós.

Cóntame que fixo dous anos de servicio militar no buque Almirante Valdés, e que logo de un breve tempo dedicado á pesca en Muros, empezou a navegar en buques mercantes españoles, que o primeiro barco no que navegou era da Naviera Vascongada e chamabase Leñador, e que nos moitos anos de navegación recorreu caseque todolos mares do mundo. Ós vintenove anos casou con María Figueiras Dosil, ca que tuvo dous fillos: Pedro e María.

Hoxe, xa xubilado, adica o seu tempo a dar longos paseos pola Vila, moitas veces acompañado dun pequeño can, do que dí que ainda que é pequeño e caivo, ten mais forzas que él. A historia de Pedro e parecida a de moitos muradáns que adicaron a súa vida ó mar; un mar que lle deu penas pero tamén moitas alegrías. Pese a todo, Pedro sigue sentíndose mariñeiro e que sempre o será.