As instantáneas de Campio son a demostración de que non fai falta ter unha gran cámara para facer grandes fotos. Armado con só un teléfono móvil que incorpora uns sinxelos cinco megapixeles de resolución, é quen de recoller con notable maestría o seu día a día.

Campio e unha persoa de alta estatura e de altos sentimentos. As súas fotos así o refrexan. As que amosamos neste número de TMT, están sacadas dende o alto; dende a atalaia privilexiada que ocupa o seu fogar en Muros, dende onde se otean unas fermosas vistas da contorna da Vila. Fotos da bahía, do solpor, do amencer, sacadas dende a distancia, conforman unha visión acertada e sinxela da natureza que o rodea.