Que Muros tivo e ten bos poetas, xunto con unha tradición musical que se remonta a séculos, e unha realidade palpable. Pero o que case nunca se conxuntou foi o facer dos poetas coa habilidade dos músicos muradáns para ordenar en armónica composición letra e música saída da alma, feita con sentido querer para por en valor a mais entrañable das nosas saudades.
Sempre ten que haber unha primeira ocasión, e nesta vegada os sentidos versos dun poema do moi querido Marcelino García Lariño foron musicados polo Mestre Domingo Juan Barreiros Lago, quen con notable facer, compuxo unha fermosa canción a tres voces sobre o poema de Marcelo . Esta peza musical, que será interpretada polo Orfeón Ría de Muros, que dirixe o mestre Barreiros, será estreada en Muros, o domingo 13 de xullo, durante un acto público organizado pola Asociación de Náufragos de la Mar e a Asociación Muradana Xubimar en memoria dos náufragos do Bonifaz e o Castillo de Montjuit.
Dende TMT non podemos menos que agradecer vivamente aos muradans Marcelino García e Domingo Juan Barreiros, o seu facer a prol da cultura muradana.