Fonte de Uhía (Esteiro)

p/ Elixio Vieites

Tipo de ben: Fonte,
Concello: Muros
Parroquia: Esteiro (Santa Mariña)
Lugar: Uhía
Cronoloxía: Descoñecida,
Descrición:
Fonte que se atopa ao pé do antigo camiño real que vindo da lugar de Mosterio no Freixo, pasaba na parroquia de Esteiro por Uhía, o Maio, Solleiros e Tras da Costa. A auga era fundamental nestes traxectos, nalgún lugar aínda se manteñen topónimos coma “Fonte dos Cabalos” (na ruta Noia-Santiago). A principios do século XX circulaban por aquí as dilixencias, coma a famosa ” Carrilana de Belermino”, que unían a parroquia de Santa Mariña de Esteiro con Muros por una banda, e con Noia e Santiago por outra. A fonte presenta no seu corpo central bloques de sillería de granito que lle dan aspecto de solidez, remata por enriba a modo de frontón con adornos en forma de semicírculos e una cruz gravada no medio . Deste corpo saen dous caños con abundante auga, que cae nunha pía de pedra. Ten un pequeno espazo que a encadra, feito de muros de mampostería e chan de lousas, con un pousadeiro para para os recipientes de carretar a auga.
Propiedade: Pública
Uso actual: Equipamento
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Referencias bibliográficas: