Non e difícil entender as fotografías de Manuel Lariño, un emigrante muradán nado na parroquia de Tal, porque nelas expresase un grande sentimento de amor a terra. Cando un está fora, aló na lonxanía da terra nai, o recordo das xentes a as paisaxes pervive acendido. Nas súas curtas vacacións na súa terra querida de Tal, Manuel non escatima tempo para facer reais as imaxes que na súa mente son lembradas como parte de seu ser.

O mar, as praias e unha natureza viva, son fotografadas por Manuel con notable sentimento. Nas súas instantáneas abundan imaxes da súa parroquia de Tal, que como “Balcón da Ría” ofrece innumerables vistas de beleza incomparable. Este verán, Manuel sorprendeunos con vistas aéreas do todo o Concello, feitas polo que il chama o “bicho”, un “dron” que sobrevoando os ceos fixo que foramos quen de admirar a nosa xeografía dende o ar.