Pendentes do talismán. 

                 (p/ Manuel María Pena Silva)

Platea de campanario;

neste auditorio confío

que non baleire albedrío

aplaudindo innecesario.

  Proscenio, estricto escenario;

franco actor de señorío

debruza verbo bravío,

desemboca en balneario. 

  Piromanía inminente,

vibrante ollada insurxente ,

brazo incendiario en oferta

nun papel de celofán.

  Prisioneiros de Xermán,

perplexos, coa boca aberta

cen mil paisanos alerta

pendentes do talismán.