MAESTRO  ROMERO

p/Alianza Uhía Patiño

Maestro Romero nace hai ben pouco, en Maio de 2014, cando dous coñecidos de 6 anos atrás fan que os seus camiños coincidan en dirección, paixóns e idais.

Alberto Romero de Muros e Alfonso Gallardo de Esteiro forman un dúo acústico que soa totalmente empastado, ben armonizado e bonito.

Alberto, de 18 anos estudia grao superior de música, na especialidade de guitarra, e Alfonso é especialista en palabrería e verborreo, co que fan que música e letras se fundan nunha fermosa pasta que fai que os resultados sexan tan bos.

Versionan e teñen moitos temas propios.

Presentáronse cunha minixira no verán de 2014, conseguindo facer 17 concertos polas vilas de Galicia, con grandes esforzos de tempo e cartos, pero que unha vez realizados, todo pagou a pena(Muros, Louro, Esteiro, Rianxo, Noia, Sardiñeiro, Portosín, Vilagarcía de Arousa e Pontevedra).

Durante o inverno seguen ensaiando, sen desistir do seu soño. As súas 3 aspiracións, eles mesmos, defínenas perfectamente “tocar, tocar e tocar” … e xa se verá!.