Saúde para os nosos.

p/ Domingo Guerra París.

Como moitos de vos, tiven a fortuna de participar na Cabalgata de Reis de Muros desde o seu nacemento. Digo participar, porque os asistentes tamén somos parte fundamental da celebración.

Neste sentido, ao contrario que o meu amigo Segundo, que sempre tivo ilusión por ser paxe, romano, garda celta, tambor na Segundo con Manolo e Dominbanda de cornetas Don Diego de Muros, e ao que tan só lle falta cumprir o desexo de ser Rei Mago, prefiro ser espectador.

Porque, os espectadores acompañamos ás carrozas, pelexámonos polos caramelos, intentamos identificar aos Reis e abarrotamos o Curro da Praza transmitíndolle ilusión e fantasía aos nosos pequenos, forxándolles un sorriso de felicidade que formará parte das nosas vivencias, para sempre.

Sen embargo, non deixo de recoñecer a inmensa ledicia de desfilar, con Segundo e outros nenos da mesma xeración, no séquito dos Reis durante moitas noites do 5 de xaneiro, na década dos oitenta.

Falando con Segundo por teléfono, sobre estas cousas, conteille que a Cabalgata segue sendo unha inmellorable mostra da sensibilidade e bo facer dos muradáns. Quizais, durante os últimos tempos perdeu a puxanza de cando Juan J. Gestal Otero estaba ao fronte –época na que, baixo o meu punto de vista, acadou o máximo esplendor–, pero sería inxusto non agradecer, a todas as comisións organizadoras e os seus responsables, o magnífico traballo de fabricar sonos durante 50 anos ininterrompidamente.

Agradecemento que debe ser explícito e colectivo, porque foron capaces de conseguir que, cada ano polo Nadal, o noso concello se convertera no epicentro da comarca, permitíndonos gozar do mellor regalo dos Reis: retornar, por uns momentos, á inocencia máis pura.

O meu amigo Segundo, este ano tampouco poderá acompañarnos nesta celebración. Pero seguirá por «Facebook» a Cabalgata. Sobra dicir que utiliza o seu nome e apelido (Segundo González), porque non lle gusta facer o primo ocultándose baixo perfiles falsos nas redes sociais.

Por certo, lembroume que, aproveitando este espazo, transmitira aos maiores e pequenos a necesidade de manter a distancia de seguridade cos vehículos. Xa haberá tempo despois de achegarse e incluso facer fotos no Portal Vivente cos Reis. Trátase doutra preocupación que compartimos, como tantas e tantas cousas.

De feito, un ano máis coincidiremos pedíndolle aos Magos de Oriente o mesmo regalo: saúde para os nosos. Porque, non hai mellor agasallo que compartir momentos sinxelos con eles.

 

Anuncios

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Minientrada | Esta entrada fue publicada en Revista TMT y etiquetada , . Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s