p/ Manuel Mª Pena Silva (Rioderradeiro)

Noutra esfera final que te depura

Esta vida promete unha arrogante
algarada de ardor arborescente;
rompe o tempo a paixón adolescente,

gasta os folgos da fe de cada amante.

  Esta vida propón de interesante
unha historia insegura, insuficiente;
pasa o crono a restar internamente
desalentos que conta en cada instante.

Esta vida propende a reiniciarse
nunha estancia máis plena e máis segura;
ninguén sabe se en nova singradura
pode un home deixar de reiventarse.

Esta vida pretende proxectarse
noutra esfera final que te depura.

Esta vida presente é de impostura.

      (Rioderradeiro)

 http://rioderradeiro-naeiroa.blogspot.com.es