p/ José Mª García Rodríguez

Díxome Pepe de Tuca,

que nono fora esquecer:

falar ben quer vir de gracia,

esquirbir de adeprender.

A Estreliña do luceiro

váise coa craridá.

Non fagas tempo de amores

coas horas de traballar.

Nin te coides daquil home,

que de liste ben cho alaben,

moito nono debe ser,

cando todo o mundo a sabe.

Calquera pode facer

troco dun can por un galgo.

0 sangue todo é bermello,

quen tén diñeiro e fidalgo.

Ao pe dun cereixo verde,

pódese considerar,

que non tén moitos amigos

o que tén pouco que dar.

A troita díxolle ao río,

non te vaias ãpurar,

te poñas coma te poñas,

téste que afogar no mar.

A Delorosa de Muros,

tén sete espádoas no peito,

soidade tén sete letras

que firen do mesmo xeito.