O método CES como solución ás colonias felinas.

p/ Cintia París

 Dende tempos inmemoriais o gato convive co ser humano e na sociedade de hoxe en día no ía ser menos. Moitos pobos e cidades teñen que vivir preto de colonias de gatos que por uns motivos ou por outros ficáronse nun territorio en concreto, imagen2as veces afastados e outras veces ao lado da nosa vivenda.

Cando os veciños se encontran con esta situación poden ocorrer, en normas xerais, dúas cousas: en primeiro lugar, os veciños amantes dos animais axudarán a que non lles falte de comer e de beber e tentarán facerlle a súa estancia na rúa máis sinxela; en segundo lugar, os veciños en contra de que unha colonia felina se instale preto da súa casa desexarán que se quiten de alí o antes posible. Noutros casos, existe xente cruel que decide tomar as rendas de actuación pola súa conta e dedícase ao exterminio felino dunha maneira moi pouco moral (utilizando escopetas, tirándolle pedras, envelenando a comida, etc), cuxas consecuencias para o autor están penadas pola lei.

Ben é certo que os gatos poden traer moitas molestias para a vida cotiá de calquera persoa xa queImagen3.pngteñen que soportar cheiros, o miañar dos gatos ou pelexas entre eles. Ata fai pouco as solucións principais para erradicar o problema foron a captura dos animais e a súa eutanasia ou a privación de comida para que se foran ou morreran de inanición. É fácil pensar que, desta maneira, os gatos desistirán e marcharán ou morrerán pero estámonos esquecendo da natureza dos felinos que se basea na territorialidade e na supervivencia. Se a un gato se lle quita a comida buscará outra fonte de alimento que o sustente, e si se procede á eutanasia do gato será cuestión de días que esa zona sexa ocupada por outra colonia felina, e volta a empezar.

Para solucionar esta situación, as asociacións a prol dos animais puxeron en práctica un método que ate agora resultou ser o máis eficaz: o método CES (Capturar-Esterilizar-Soltar). Para levar a cabo esta práctica hai que comezar por autorizar a unha serie de persoas para que sexan as coidadoras das colonias. Estas persoas levarán un control da colonia anotando o número aproximado dos gatos existentes, o sexo, o seu carácter (se son dóciles ou máis salvaxes), as esterilizacións que se levan a cabo, etc. Asemade, administraralles porcións de penso acorde co número de gatos da colonia para evitar, así, que sobre comida e outros gatos  veñan a aproveitarse das sobras. Despois, retirarase os comedeiros e limparanse os restos de comida.

Os gatos familiarizaranse cos coidadores da colonia e sentiranse máis cómodos e será máis sinxelo o seguinte paso: a captura. Pasado o tempo de familiarización procederase á captura dos gatos para a súa esterilización. Esta capturaImagen5.png farase cunha gaiola adecuada que conte con ventilación e que sexa das medidas adecuadas para evitarlle incomodidade ao gato. Colocaranse as gaiolas uns días antes e deixaranse alí para que os gatos se vaian acostumando a ela e, despois, procederase á captura poñendo comida dentro a modo de gaiola trampa.

Unha vez que o gato xa se encontra preparado para a esterilización farase o máis rápido posible xa que resultará un acto de moito estrés para o felino. O postoperatorio durará unhas 24 horas no caso dos machos e 6 días no caso das femias e, unha vez pasadas, devolverase ao gato a súa colonia no mesmo sitio no que se atrapou. De tratarse dun gato dócil e facilmente sociable, porase en adopción. Para saber que o gato foi esterilizado e para evitar máis angustia no futuro, marcarase cun corte na orella moi pequeno. Antes usábanse tatuaxes ou outras marcas na pel pero non eran visíbeis salvo por aproximación, e non sempre era posible. Despois de que os gatos da colonia resulten esterilizados, o proceso non acaba aí xa que os coidadores farán un seguimento para que os felinos se recuperen de todo e saber se a súa conduta segue a ser a mesa ou si hai cambios a causa da operación, e vixiar posibles novos individuos que aparecen, xeralmente, por abandono de gatos domésticos.

As colonias esterilizadas e controladas reducen o seu número de membros de forma natural.

Co método CES os gatos acollerán unha conduta máis tranquila e amainarán as marcaxes ca ouriña pImagen4.pngolo que os malos cheiros desaparecerán e os miaños e as pelexas veranse reducidos considerablemente pola falta de impulso para procrear. O ideal sería a colocación dunha placa informativa da existencia dunha colonia felina controlada por coidadores para que a xente colla conciencia de que non se lle pode dar de comer sobras, estresar aos gatos ou levar a cabo prácticas vandálicas.

Ben é certo que o método CES require tamén apoio dos veciños xa que as esterilizacións e a alimentación dos animais precisan de cartos para levarse á práctica. Entre todos poderemos conservar unha boa convivencia entre cidadáns e animais sen ter que recorrer a métodos inmorais e pouco efectivos. Hai que ser conscientes de que as colonias felinas van a existir sempre e que son precisas para o control de insectos e roedores polo que tamén fan unha boa labor social. Temos que comprender e actuar sendo responsables en todo momento e manter unha boa vontade para que se resolva o problema das molestias das colonias, e o método CES é o adecuado. Dende as asociacións que loitamos por isto, precisamos a colaboración de todos os veciños e temos esperanza de que así sexa. Por eles, por nós.

 

Anuncios

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Minientrada | Esta entrada fue publicada en Cousas que interesan, Natureza y etiquetada , . Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s