NA CONSULTA DO URÓLOGO

p/ Marcelino García Lariño.

O señor Andrés das Mozas, que vivía no lugar de Arriba, tivo que ir á consulta do urólogo ó Hospital Clínico.

O señor Andrés dende neno foi criado, con moita educación, humilde si, pero cando lle tocaba falar sabía moi ben o que dicía e tamén era moi coñecedorImagen1.png dos seus dereitos.

Cando ó señor Andrés das Mozas (o das “mozas” non era porque el fora mullereiro, senón porque lle viña do defunto do seu bisavó que era o vinculeiro da casa das Mozas) chamárono polo altofalante, entrou na consulta onde lle fixeron as preguntas necesarias e os demais requilorios doados que se fan nestes casos.

Entón o especialista xefe do equipo, que acababa de ler o historial do señor Andrés, moi agarimoso díxolle:

–Señor Andrés, baixe o pantalón o póñase coa cabeza arrimada a esa cama que lle vou a explorar a próstata.

Moi guieiro coma sempre, o señor Andrés baixou as calzas de moi mala gana, pois xa deixamos claro que fora moi ben criado, e pórse así co cu ó aire diante de tanta xente, entre a que había varias mulleres, médicas e estudantes, non se lle deu nada ben. Ademais ese día era un luns, e a conversa que tiñan os médicos versaba en torno ó fútbol e as quinielas.

O doutor puxo as luvas, detalle que non veu o paciente, e meteulle o dedo polo ano que seguramente o señor Andrés coidou que era outra cousa. Por eso cando o especialista, sempre moi afectuoso, preguntoulle:

–¿Doe?

O señor Andrés, que aínda que moi humilde sabía tamén moi ben o que dicía, contestoulle:

–Doer, o que se di doer, non me doe nada. O que se di me doe, e moito, perdoe que llo diga, e que neste hospital haille moito vicio.

 

Anuncios

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Minientrada | Esta entrada fue publicada en Contos e Lendas y etiquetada . Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s