The Muros Times

p/ ESMU-Carnota

A escola municipal de música de Carnota fúndase no ano 1994, froito de interés e empeño da poboación de que os veciños de Carnota en xeral, e os nenos en particular, poidesen acceder á aprendizaxe musical; posto que ó ser un concello pequeno e periférico, non había cerca ningún lugar onde se puidera cursar este tipo de formación. Iniciouse naquel momento con menos de 30 alumnos e con 3 mestres.
O que comezou dun xeito tímido foi crecendo anualmente tanto en alumnos como en profesorado e especialidades musicais, atendendo ás demandas dos alumnos, sempre que foi posible, acadando no presente curso 2013/2014 o número máximo de especialidades e alumnado. Neste curso contouse con 113 alumnos atendidos por 5 mestres:
Mestre de linguaxe musical e piano: Alianza Uhía
Mestre de Inicación musical, canto, orquestra Orff e coro infantil; Ana Blanco
Mestre de guitarra, baixo, combos e harmonía; Castor Montes
Mestre de percusión e batería, combos e música moderna; Carlos González.
Mestre de gaita, percusión tradicional, vento madeira e coral polifónica; Ramón Domínguez.
Debido á demanda, a Escola Municipal de Música de Carnota sempre contou co apoio dos políticos locais, pero contou tamén con poucos recursos económicos materiais e de infraestructuras. Digamos que se foi adaptando ós recursos cos que se contaba.
2.- O ENSINO NA ESCOLA MUNICIPAL DE MÚSICA DE CARNOTA
Os contidos que se imparten, son reglados e a maioría dos alumnos que cursan os 6 cursos que ofertamos de linguaxe musical, acceden ós conservatorios de Noia ou Santiago para seguir cursando o grado medio de música.
Todo isto é posible grazas ó empeño e ilusión de mestres, pais/nais e alumnado, que con moi poucos recursos lógrase unha labor educativa de calidade ó nivel que esixe a lei de educación (clases de linguaxe musical, 2 horas semanais; clases individuais de instrumento de ¾ hora á semana; agrupacións instrumentais; coral; harmonía; etc).
Impártense as seguintes especialidades: Piano, acordeón, saxofón, clarinete, frauta traveseira, frauta de pico, gaita, pandeireta, música tradicional, harmonía, guitarra, baixo eléctrico, guitarra eléctrica, batería, congas, linguaxe musical, música activa, iniciación e canto.
3.- OUTRAS ACTIVIDADES
Para dar continuidade ó bo traballo realizado nos últimos anos; e como incentivo para os alumnos, a directora e o equipo de mestres, amosaron os resultados acadados a outras escolas de música, a través de intercambios e encontros, que serviron á Escola de Carnota para coñecer outras experiencias e abrirse a novos estímulos e vivencias, animando así ós alumnos a seguir esforzándose, a millorar e a ser conscientes das súas opcións e posibilidades no ámbito musical.
No curso 2008-2009, a Escola Municipal de Música de Carnota, foi invitada a participar no I ENCONTRO GALEGO DE ESCOLAS DE MÚSICA, que se celebrou o 9 de maio, no concello de Rois.. No curso 2009-2010 xa foi a propia Escola de Carnota a anfitriona e organizadora do II ENCONTRO GALEGO DE ESCOLAS DE MÚSICA. E así, foi invitada a todos estes Encontros celebrados en Galicia, dado os excelentes resultados. Estes actos pretenden por en contacto as diversas correntes e asignaturas musicais que se traballan en tódolos centros docentes da nosa comunidade.
Ö longo do curso, a escola organiza e oferta para todo o público, distintas Master Class, como foi a excepional de acordeón, da man de Manolo de Fornís (coñecido acordeonista en Galicia) ou a de guitarra moderna da man do guitarrista de jazz Castor Montes. Tamén se celebran 2 festivais anuais, onde os alumnos, rapaces e maiores, lles presentan a todo o pobo o aprendido no curso. E durante o ano, a ESMU leva a súa música polos distintos centros educativos do Concello, sen olvidarse da gardería municipal ou o Centro de día de maiores. E non podemos evitar falar da creación dunha coral polifónica de adultos, onde se puxo ó fronte o mestre de gaita e percusión tradicional, cunha excelente batuta.

4.- RECURSOS MATERIAIS
Falando de recursos materiais, foise adquirindo un piano vertical (había dous elécticos nun principio), un acordeón, renovouse o material preciso para formar os combos (micros, soportes, amplificadores), unha nova batería, gracias á aportacións das cuotas dos alumnos e de pequenas subvencións. Aínda así, os nosos medios son moi escasos, contamos cun baixo eléctrico, unha guitarra eléctrica, unha gaita, unha guitarra española, un piano eléctrico, un teclado, unha pequena mesa de mezclas, un bombo tradicional, instrumentos Orff (xilófonos, metalófonos, carillóns, etc) unha batería e varias panderetas. O presuposto non dá para máis.
O local no que estivo a escola a maior parte da súa vida era un local moi pequeno, con humidades e desperfectos tanto no interior coma no exterior, ventanas vellas polas que entra frío e chuvia, etc, etc. Tal é o seu estado que entre o Concello e a Consellería de Cultura tomouse a determinación de demolelo e construir un novo. Logo trasladouse a unha casa antiga, de pedra, remodelada e acondicionada, pero que tampouco reunía as condicións axeitadas para ser escola; e dende hai dous anos, a escola está sita no Pindo, no edificio colindante ao CEIP desta localidade, cedido pola Xunta de Galicia, ata que a ESMU teña edificio propio.

5.- PREVISIÓNS DE FUTURO
A pesar do contexto de crise que estamos vivindo, e que no Concello de Carnota aínda é máis acentuada, a ESMU sobrevive e segue co seu proxecto adiante.
Goza dunha moi boa saúde, traballando con máis de cen alumnos, e tendo actividade lectiva todas as tardes, de luns a venres, dende as catro da tarde ata as dez da noite.
Segue sendo o buque insigne da cultura en Carnota e das escolas de música municipais de toda a comarca.
Mestres, alumnos adultos, nenos, nenas e pais/nais forman dende hai moitos anos unha ben unida comunidade, e como eles soen presumir, unha gran familia.