Na procura de sinerxías

(p/ ESMU—Carnota)

A educación musical está a recibir o recoñecemento que se merece ademais de que hoxe en día contamos en Galicia cunha rede de conservatorios profesionais e de escolas de música, con dous conservatorios superiores e está presente nas facultades de educación das tres universidades galegas, impensable noutros tempos.Imagen3

A consolidación da música no ensino superior debe procurar sinerxías entre os Conservatorios Superiores de Música de Vigo e A Coruña coas tres universidades galegas. Trátase simplemente de botar man do principio de eficiencia e eficacia, buscando puntos de contacto e colaboración que sexan beneficiosos para as dúas institucións. Para os docentes o mundo anglosaxón é a referencia, onde a formación superior de música está totalmente ensamblada no mundo universitario. O obxectivo en Galicia é a creación a medio prazo dun mestrado interuniversitario en investigación e educación musical, unha proposta pioneira que xa está aprobada e en vías de desenvolvemento e que virá a encher un espazo baleiro. Este mestrado será un exemplo de cooperación pois mentres que a universidade se responsabilizaría da compoñente académico-teórica da que goza maior tradición, os conservatorios achegarían a parte práctica,Imagen4 a instrumental. Trátase de sacar o máximo rendemento á transferencia de coñecemento, cunha modalidade moi adaptada a Boloña e á formación en competencias porque á música lle vén de seu ademais de posibilitar que o alumnado de ensinanzas artísticas poida facer unha tese de doutoramento cunha temática musical.

En Galicia en xeral (e na nosa zona en particular, Muros-Carnota) temos moito camiño andado, posto que de 20 anos para aquí temos opción de estudar música a moi poucos kilómetros das nosas casas, dos nosos centros escolares sen ter que renunciar a ningún outro tipo de actividades. Así mesmo, podemos seguir estudando música ao trasladarnos ás cidades universitarias, posto que todas contan con conservatorios e escolas … pero aínda nos queda moito por percorrer para chegar a ser, musicalmente falando, coma o resto dos europeos. Entre todos e o noso esforzo, habémolo lograr.

Anuncios

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Esta entrada fue publicada en Música y etiquetada , . Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

w

Conectando a %s