p/ Ali Uhía

O papel que me toca hoxe aquí é representar como directora á Escola de Música Municipal de Carnota, e vou falar uns minutiños de o porqué o interés de estar e formar parte desta revista. E non é máis que o de intentar darlle pulo á música, de espallar os nosos coñecementos e de dar a coñecer a importancia das escolas municipais na Sociedade.
A triloxía música-educación-sociedade expresa unha relación moi estreira, e non é un feito casual, xa que a música forma parte do home dende que nace. O ser humano comunícase a través da música e ademáis faino dun xeito natural, xa que é ensencialmente unha linguaxe abstracta, pero chea de significados. É por tanto algo importantísimo que estes coñecemntos innatos e naturais se canalicen e se inculquen dende que nos escolarizamos, posto que a música axúdanos en todos os campos da nosa vida: na sociabilidade, á hora de expresar sentimentos, surte un efecto positivo no rendemento académico dos nenos, axuda a erradicar o fracaso escolar, e así podería estar horas, sin olvidarme do ben coñecido refrán de “A música amansa ás feras”.
Pero tantos plans educativos, tantos políticos eruditos que fixeron LOGSEs LOEs e demáis marabillas , non lle souberon dar á música o lugar e o tempo que lle corresponde, que para eso xa están os Conservatorios, antigamente especie de universidades privadas e moi caras.
Pero dende hai uns anos surxen as Escolas de Música, que non son máis que un punto de encontro adicado ao universo do son e aos mares de ritmos. Posto que a música é por excelencia a linguaxe de afectividade, deberiamos apreciala e percibila non só como unha arte expresiva, senon, tamén, comunicativa. Unha arte que facilita a potencia as relacións entre individuos dunha mesma sociedade, aínda que moito se utiliza a música en beneficios duns poucos bribóns, ingnorando e despreciando a nosa porpia idiosincrasia e a nosa riqueza cultural, todo aquilo que nos legaron os nosos maiores. A nosa intención é que a música forme parte da educación integral e cultural, a base de experiencias, produccións e audicións tanto individuais como colectivas.
A pretensión fundamental das Esmus é formar unha sociedade alfabetizada musicalmente e que isto derive nunha utilizacións práctia dos coñecementos musicais adiquiridos, ben coma aficcionados activos ou como consumidores con xuízo crítico, ademáis de descobrir e enauzar posibles vocacións. Intentamos aportar os medios que favorezan a interrelación, a expresión, a comunicación, a cooperación e a participación. Piares dunha boa e sana convivencia democrática.