p/ Manuel Lago Alvarez.
A do Carme, a de Santa Isabel, a de San Roque, a das Angustias, San Pedro, Espírito Santo, San Xosé, as Neves, San Marcos, etc, son varios dos nomes da capelas que hai en Muros, e que dan proba do profundo sentido relixioso que tiñan os nosos devanceiros. Non e que se teñan moitos datos acerca de cómo e porqué se fundaron estas capelas, pero buscando por aquí e por alá, atopámonos con algún que outro documento, e moi en concreto un relacionado coa fundación da Capela de San Xosé, que se atopa no arquivo municipal de Santiago de Compostela.
O documento de fundación da Capela de San Xosé, fíxose na cidade de Santiago ante o escriban D. Pedro Rodríguez. Estes documentos de antes acostumaban a ser moi pomposos, e así, neste o que nos referimos, o escriban citado narraba: D. Pedro Teijido de Turnes, vecino de la villa de Muros dijo que Dª María Luisa de Reloba su hija y de Dª Catalina Pérez de Reloba su mujer estuvo casada por espacio de catorce años falleciendo sin sucesión y vueltos los bienes dados y adquiridos a la casa paternal, conforme con la voluntad de la finada fundaba una capilla bajo la advocación de San José y que en ella se pusiera colaterales los imágenes del Niño Jesús y Ntra. Sra. y la presidencia del Patriarca>.
Para construír a capela tivo que pedirse permiso o Prelado compostelá, que tivo a ben concedelo no lugar que naquel momento chamaban , e que segundo o documento atopábase a entrada da vila. No mesmo documento os fundadores institúen cinco misas rezadas cada ano a tres reais, unha no día do Patriarca San Xosé, outra no día do Apóstolo San Pedro, outra o día de Santa Catalina, outra o día do Glorioso San Blas e a outra o de San Luís, sinalando os bens afectos a a carga para o cumprimento do mandado.
A día de hoxe, a capela forma parte dos bens da Fundación Angela González Argís, e no recordo dos muradanos pervive a imaxe do Altar de estilo barroco con columnas salomónicas coas imaxes de San Xosé, San Blás e a Virxe, tal como habían disposto os fundadores.