Carta da Redacción: Marzo-2014

The Muros Times No. 11 Marzo-2014
Estamos de aniversario. TMT cumpre un ano de vida; un ano cheo de satisfacions para os seus creadores e tamén para os mais de 6000 lectores que cada mes disfrutan da primeira revista dixital muradana. TMT naceu nos miolos de un muradano comprometido, que dende as lonxanas terras do continente americano foi capaz de unir a un grupo de entusiastas muradáns nun proxecto común; un proxecto chamado a dicirlle ao mundo enteiro que MUROS EXISTE, que non foi creado fai catro días, e que por elo está cheo de historia, de arte, de cultura e de tradicións que os muradáns queremos compartir. E así imos facendo camiño, cumprindo obxetivos pouco a pouco e facendo do que foi só unha idea, unha realidade palpable, que se está a converter nun faro cuxa luz está estendéndose mais aló de aquí e de alá.
TMT sigue e seguirá aberta a cantos queiran colaborar neste proxecto. Como iniciativa plural que é, non ten ataduras de ningún tipo, por elo insistimos na invitación que reiteradamente facemos: todos estamos invitados a colaborar na revista; todos teñen as portas abertas desta publicación para escribir nas súas páxinas.
Cos mellores desexos de todos e para todos, facemos votos para que TMT teña unha longa vida, para disfrute dos seus lectores e para a maior honra de Muros es as súas terras.