The Muros Times cumpre un ano

Jorge Lago de Pexejo:
Picture8Hai un ano que se me ocorreu a feliz idea de participar cuns cantos amigos a creación de The Muros Times e as miñas propias dúbidas se disiparon inmediatamente ante a entusiasmada acollida a tal proposta. Non hai nada máis gratificante que sementar en terreo fértil.
Así nacemos e aquí estamos un ano máis tarde seguindo coa premisa inicial de dar a coñecer a cultura muradana a través da súa xente e apreciando dun xeito indiscriminado o que cada individuo poida achegar ao enriquecemento común.
Nas páxinas de TMT outorgóuseme a honra de entrivistar a mulleres e homes exemplares tanto no persoal como no artístico. Todos eles cheos dunha creatividade que expón claramente ese potencial humano que está aí a convivir entre nós pero que é necesario valorar e dar a coñecer.
Grazas a todos os colaboradores por facer prosperar unha simple idea no que é hoxe a nosa revista: Unha ponte onde todos nos podemos reencontrar sen máis lastre que o de ser muradanos.
TMT reafirma sen ningún lugar a dúbidas que non hai empresa que se poida levar a cabo se non conta cun bo equipo e sen máis pretensións que tratar de facer o mellor posible o que estamos a facer.
Manuel M. Caamaño:
Picture9Xa temos un ano de vida!
Un proxecto que naceu sen moitas pretensións, só empurrado pola ilusión duns cuantos amigos de poñer en valor a cultura, a historia, o arte e as tradicións muradás; e de paso xuntar nunha soa revista e cunha cabeceira común o que xa moitos faciamos nos nosos blogs e nas nosas páxinas.
Pouco tempo é un ano, pero nese pouco fixemos moito! O TMT ten unha difusión inaudita para ser unha publicación de ámbito local grazas ao apoio das redes sociais e ao traballo de todos os colaboradores/as. Tamén patrocinados pola revista, comezamos a realizar e promover eventos culturais e sociais, como a recente presentación do libro de Antón Rey “SON GALEGO”; e agora estamos a argallar xeitos para que a revista impresa en papel poida chegar ás máns do maior número de xente posible.
Nacemos sen moitas pretensións, sen fixarnos meta ningunha, mais aquí estamos, e temos pensado seguir.
Parabéns polo teu ano de vida TMT!

ESMU-CARNOTA:
Picture5Animámonos a participar neste proxecto que cumpre un ano de vida, porque nos pareceu moi interesante a idea de que un grupo de xente, interesada na diversidade da cultura e na súa difusión, se xuntase nun espazo común dunha rede social para idear un punto de partida, un comezo de diversidade cultural/histórico/social da nosa vila, da zona.
Nós somos un colectivo do pobo veciño, pero dirixidos por unha persoa de Muros, amante do seu pobo, e foi ela quen nos animou a todos a participar. A mostrarlle á xente que nos le, as miles de cousas positivas que a MÚSICA (a nosa vida) nos aporta. E así o fixemos, por iso a nosa colaboración con algún artigo mensual relacionado coa música en The Muros Times. Moito ánimo e que dure moitos anos.
Quin Caamaño da Santera:
Picture11Fai xa un ano que nos miolos dun muradán na diáspora agromou una idea. Organizar un punto de encontro entre os muradáns de aquí e de alá, que servirá para mostrar todo aquelo do que somos capaces de facer, tanto a nivel individual e colectivo. Con tal fin se creou a páxina do Facebook The Muros Times e aí dou comezo esta andadura. Pero o formato no chegaba a convencer plenamente e houbo a quen se lle ocorreu a idea de montar una revista dixital para dar cabida a todos os colaboradores que se quixeran achegar a The Muros times e mostrar os seus traballos.
The Muros Times naceu como unha fiestra na rede para mostrar ao mundo o que os muradáns teñen feito e o que aínda teñen por facer. Unha fiestra aberta ao mundo para que nos miren e o mesmo tempo para que por ela poida saír a nosa historia, as lendas, a arte, e a cultura . Todo canto de interesante teñamos para mostrar. Con modestia e dedicación de uns poucos a revista The Muros Times cumpre un ano nas redes e mes a mes a revista saíu puntualmente. Chegados ate aquí, xa hai xente interesada que non lle chega con ler a revista na rede, quere tela fisicamente entre as súas mans e gardala na súa biblioteca. Déronse pasos nese senso; dende o Concello se imprimiron varios números para distribuílos nas bibliotecas, tanto municipal como dos centros escolares. O último número de Xaneiro houbo particulares que aportaron una pequena achega para poder contar coa revista en papel. En proxecto está conseguir patrocinadores que paguen a súa revista para tela e mostrala nos seus negocios ou establecementos, así a disfrutarían os seus clientes e non só os que poden entrar en internet.
O grupo de colaboradores está a crecer pero todos somos poucos, así que aquel que teña algo que aportar a este desinteresado pero ilusionante proxecto ten as portas abertas. Agardamos que este aniversario sexa o comezo dunha larga traxectoria.

Manolo de Lajo:
Picture12Boas tardes miña xente, permìtome escribir estas catro letras para agradecer o voso apoio a THE MUROS TIMES durante este primeiro ano de vida, e ver que cada nova revista que saie tén màis siareiros que à anterior.
Agradezo de corazòn os moitos LIKE que recibiron os méus contos, o cal significa que se tomaron a molestia de leelos.
Como vostedes poden ter decatado, a mina pequena aportaciòn a revista son contos e lendas basados en feitos acontecidos en tempos pasados na bisbarra, engadindolle un punto de imaxinaciòn. Parte da informaciòn recòlloa de libros que teño ou do internet, pero a maior parte dela proven de meu pai e mina avòa, que nos deleitaban coas sùas historias.
Unha forte aperta do voso amigo
Nieves Formoso Vidal:
Picture13THE MUROS TIMES, un soño feito realidade, dos muradans das duas beiras (como dixo Jorge Lago no número 0 da revista).Os de alá, e os da acolá. Un proxecto vivo, donde esa fiestra segue aberta a ilusión, a amizade, a cultura, a libertade, donde cabemos todos e todas. Parabéns por este ano de THE MUROS TIMES, a seguir por ese camiño cheo de entusiasmo, de traballo e de ideas, e sobre todo cheo de amor por Muros.
Dra. Castiñeira:
Picture1Parece que fue ayer pero ya pasó un año desde que comenzamos este proyecto con mucha ilusión y muy pocos medios.
Para mi personalmente fue muy productivo pues conocí historias y gente muy interesantes que me hicieron revivir mi niñez y aprendí a valorar todo lo que tenemos en este pueblo (eso también debe ser por la edad).
Con respecto a mis colaboraciones espero que hayan podido contribuir a difundir estilos de vida saludables y a dar a conocer un poco la prevención de las enfermedades más habituales en la actualidad.
Quiero dar las gracias a todos nuestros seguidores sin los cuales este proyecto no saldría adelante, a todos los colaboradores que con sus historias hicieron que esta revista sea cada vez mejor, y a la directiva de la revista, con una mención especial a Manolo de América por su trabajo incansable que hace que la revista salga perfectamente maquetada y a tiempo todos los meses.
Marisé Luces Tajes:
Picture4¡¡ Un año ya ¡! . ¡ Cómo vamos creciendo ¡. Recuerdo el día que Jorge me dijo que pensaba en hacer una revista y que le gustaría que colaborara; pensé y le dije “ si yo no sé escribir, solo conozco de educación “, pues ya está, de eso – me dijo él-. Ahora me siento orgullosa de formar parte de este proyecto que mes a mes se consolida.
¡ Larga vida a TMT ¡

Henrique Monteagudo:
Picture2A verdade é que para min foi toda unha sorpresa a inciativa de publicar The Muros Times. Trátase dunha iniciativa de auténtica vangarda, unha novidade que asombra a moita xente a quen lla teño comentado (sempre con indisimulable orgullo), entre a que se contan persoas das máis informadas no que se refire aos medios de comunicación que están aparecen no mundo das novas tecnoloxías. Todos sabemos que estas son imprescindibles para as necesidades e intereses das grandes corporacións, das finanzas internacionais, para o comercio e a comunicación intercontinental. Do que moitas veces non nos decatamos é de que tamén poden servir para as comunidades locais, as iniciativas de base, o contacto entre as xentes comúns. E que poden ser especialmente útiles para grupos humanos, como o galego, caracterizados pola diáspora masiva, que leva á emigración a unha boa parte das súas xentes.
Sempre pensei que Muros se caracterizaba por ter unha marcadísima personalidade, tanto polo inmenso apego que sentimos pola propia terra (á vila, á comarca, a cada un dos lugares e paisaxes; as nosas xentes, costumes, festas… ) como pola amplitude dos nosos horizontes. Somos localistas, pero somos cosmpolitas. A nosa casa é Galicia, pero tamén é o mundo enteiro, incluíndo os mares todos. Así, The Muros Times demostra acaidamente como somos: amantes do noso e dos nosos, pero abertos a todos; amantes das boas tradicións, pero dispostos ás novidades máis proveitosas. TMT fai comunidade traspasando fronteiras, achegando veciños separados por milleiros de quilómetros, atravesando océanos. Moitísimos parabéns a Jorge Lago, Manolo de América, Manolo do Chuvasco e todas as outras persoas que fan posible este pequeno grande milagre!
José Manuel Formoso Luces:
Picture5Colaborar coa revista muradana The Muros TImes, para mín e unha honra que me enche de ledicia. O longo de moitos anos teño colaborado en múltiples actividades culturais de Muros e agora esta última de TMT na que aporto a miña colaboración fotográfica. Eu, que falo con moita xente sei que TMT xa se coñece porque se fala dela, pero moitos botan de menos que non se publique en papel, porque moita xente da miña idade non ten o recurso de poder acceder a revista en internet. Estou seguro que co tempo TMT imprimirase en papel e poderá estar o alcance de todos. E por último, un desexo: que TMT dure e dure por moitos anos¡.
Manuel Lago Álvarez:
Picture3Celebrar o primeiro aniversario de TMT, e mais que unha boa noticia: e unha noticia impresionante. Chegar a cumprir un ano e ter previsto cumprir moitísimos mais e unha mostra de que, creador e colaboradores somos positivos e tan positivos somos… que nos embarcamos nesta tarefa sen chegar a pensar o alcance e interese que a revista ia ter entre propios e alleos. Pero bueno, o feito… peito, e como o que facemos gusta, mentres as dioptrías nos deixen, seguiremos adiante.
A mín, en TMT, tócame ser o que anda apurando a todos para que traballen, para que entreguen as súas colaboracións a tempo, etc., pero iso non quer dicir que sexa eu o malo, pero sí, o que está sempre protestando, e isto polo de pór en práctica esa teoría miña de que canto mais <<roña, roña>>, mais se dura.
Pero, con todo, o importante e seguir adiante, e mes a mes poder ofrecer a todos os lectores unhas páxinas de historia, arte, cultura, tradicións; unhas paxinas que falan dun pobo que aínda con centos de anos as súas costas, sigue vivo.
Os meus parabéns aos lectores de TMT, polo seu cariño a revista e tamén os meus parabéns os colaboradores que mes a mes fan posible que TMT siga adiante. Que a ilusión perdure e con ela este anaquiño do noso ser.
Manuel María Pena silva:

Manuel María¡Longa vida ao mensual!
Acaso sexa cimento,
para argamasa, ben duro;
acaso sexa, no muro,
recalcitrante e sedento
do noso idioma, argumento
para edificio seguro.

Talvez fecunde o fermento
reconfortante alimento;
talvez floreza o futuro
tan prodixioso e tan puro,
The Muros Times, con/tento,
tras doce meses, maduro.

¡Longa vida ao mensual
de anglicismos liberado!,
¿por que non, rebautizado
recurrindo ao santoral,
de socate, liberado
do pecado orixinal?

Anuncios

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Esta entrada fue publicada en Cartas da Redacción, Cousas que interesan y etiquetada . Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s