Conocido por Diego de Necres, naceu no lugar de Valdexería no ano 1929. Con moitos anos ao lombo, pero con unha memoria prodixiosa, Diego e unha enciclopedia ambulante. Empezou a traballar no mar ós trece anos, ata que tivo que incorporarse a filas, facendo o servizo militar no cruceiro minador Magallanes, onde chegou a ser especialista de manobra. Logo… o mar… e mais mar. Na naviera Aznar, no Monte Orduña e no Monte Castelo, logo en barcos suecos traballando de maestranza e bombeiro. Da súa andaina nos suecos conserva grandes e bos recordos que compartiu con marinos tamén españois. Lémbranos que nun dos barcos nos que tivo ocasión de navegar había tripulantes de 18 nacionalidades diferentes, e que con todos se entendía ben.
Traballando de carpinteiro nos barcos suecos, tivo ocasión de adicarse a unha das súas pasions: o modelismo naval, chegando a construír un pequeno catamarán que foi obxeto de grandes eloxios dos seus superiores. Dos suecos conserva moi bos recordos, e dinos que de facerse o sueco, nada de nada; que alí había que traballar, e que os xefes recoñecían os traballos ben feitos.
A súa biografía daría para facer un bo libro, que de seguro que sería un best-seller. Anécdotas e mais anécdotas como para encher centos de páxinas. Unha vida enteira dedicada ao mar no que tivo que pasar bos e malos momentos, pero en todo caso, sempre levadeiros, como aquel ciclón en augas do Caribe, que casi fixo que o barco chegara ao ceo de tanto mar que había; ou de cando salindo de Roterdan atopáronse no barco con dous polizons.
Casado os 28 anos, é pai de dúas fillas, e xubilouse fai anos, pero non por eso deixou de estar en activo. Hai pasións que e imposible olvidar. O mar e como unha fermosa e boa muller a que nunca se olvida. Foi vicepresidente da Asociación de Xubilados do mar de Muros , onde colaborou co seu bo facer na percura de facer mais levadeira a xubilación dos seus asociados. Ten un pequeno taller na súa casa onde pasa as horas entre unha morea de ferramentas de carpinteiro para non esquecer este nobre oficio artesán.