p/ Amado Barrera
Esta sección ben podería ter unha verba máis e titularse RARA NATURA MURADÁN, porque vimos sacando esquí fermosos pero raros especímenes da nosa flora e fauna, coma o fento real e o gladiolo, a volvoreta podalirio e mesmo o rarísimo árao.
Pois ben, hoxe podemos deixar o título como está, porque o noso invitado e tan fermoso coma común:
O PARRULO, ou simple e castelanmente, PATO, que así lles chaman pola nosa beiramar, á chamativa ÁNADE REAL (Anas platyrhincos).
Pero apresurémonos a dicir que tampoco é que sexa tan común, de feito, en Esteiro apenas se vían ata hai ben poucos anos, pero últimamente, cada inverno vense no esteiro esteirán (J) unha boa ducia deles, casi todos machos, con dúas ou tres femias. Chegada a primavera empezan a verse menos, parece ser que có bó tempo non lles gusta baixar tanto á marisma e quedan augas arriba, seguramente para cuidar mellor á nidada, que nace por maio o xuño. É probable que anual aumento da poboación esteirán se deba precisamente ao “reclutamento” de cada nidada: parece ser que hai uns anos quedóu a primeira parella no Rio Maior, e boa parte da descendencia fíxose sedentaria. Pode ser.
En fin, que sendo tan común esta especie en toda a península, e mesmo en toda Europa, e mesmo, mesmo, en todo o mundo mundial, en Muros podémola catalogar coma “rara”, porque ser, éche máis ben escasa a súa poboación eiquí, coma queda dito.
O obxectivo desta sección é deixar constancia escrita e gráfica da rica variedade da nosa naturaza, non tanto da minuciosa descripción de cada especie, tan doada de atopar hoxendía na etérea “rede”. Para o caso dos nosos bonitiños “patos”, aconsello esta interesante dirección: http://www.pajaricos.es/a/a1/mas/anadeazulon.htm