p/ Elixio Vieites.
Tipo de ben: Ermida,
Concello: Muros
Parroquia: Esteiro (Santa Mariña)
Lugar: Solleiros
Outra denominación do ben:
Cronoloxía: Idade Moderna (XVI-XVIII),
Descrición:
Pequena capela dunha nave cuberta a dúas aguas. De estilo neoclásico, aprécianse algúns elemento románicos, reaproveitados probablemente de outra obra anterior. A fachada é sinxela, rematada nun frontón con pináculos, e cunha porta rectangular e unha pequena ventana. Retocada na década dos sesenta, no interior ten tres arcos de medio punto sobre piares cadrados adosados que sosteñen unha bóveda de canón, máis estreita no altar maior. Posúe catro tallas de madeira: a virxe das Dores, con manto de veludo; o Perpétuo Socorro; a Purísima Concepción e Santo Antón; presididas todas por Santa Mariña nunha ábsida plana sen retablo. Forma un fermoso conxunto co cemiterio e o campanario illado da igrexa ao lado do que fora o camiño real e a uns setenta metros da mesma. A igrexa honra, pois, a Santa Mariña, filla dun sacerdote pagán, que poida que nacera en Xinzo de Limia. Foi mártir, degolada por non casar co prefecto romano Olivio, e denunciada por cristiá.
Propiedade: Pública
Uso actual: Outros
Código no Catálogo da Xunta:
Categoría do Ben: Catalogado (Catálogo da Xunta e dos PXOM)
Elementos mobles:
Tradición oral:
Referencias bibliográficas:
A Freguesía de Santa Mariña de Esteiro. Xosé Agrelo Hermo F.Abeijón Núñez. Cuadernos Cruiceiro do Rego. Ed Toxosoutos ISBN 84-96259-31-5, ano 2004.
The Muros Times 