Carta da Redacción:

Chegamos ao mes de decembro, e en TMT non podemos menos que alegrarnos de case cumprir un ano mais de vida nas redes. Un ano no que a difusión das nosas “cousas”,(arte, cultura, historia, tradicións), alcanzou a un maior número de xentes, i é que TMT está acadando recuperar i anunciar a todos, propios e alleos, que Muros é distinto pero non distante.

Cando fai uns días soubemos que Revista de outubro alcanzara as 22.200 entradas, non puidemos menos que aledarnos ao ver o interese que alcanza a revista entre os seus moitos lectores.

Levar adiante a revista non e unha tarefa fácil, pero con tesón e sorteando cento e unha dificultades, seguimos aquí facendo un pouco de historia; historia para Muros e as súas terras. Poucos concellos poden presumir de ter unha revista dixital como a nosa; poucos teñen xente disposta e comprometida, aquí e na diáspora, capaces de dar o mellor de si, para disfrute de todos.

Seguiremos adiante coa axuda de todos, e seguiremos porque estamos dispostos, mentres teñamos o apoio dos nosos lectores, a seguir a labor de divulgación cultural que nos propuxemos un grupo de muradáns comprometidos coa seu pobo e as súas xentes.

Este 2014 que remata non foi precisamente un ano de ledicias, pero foise superando; con dificultades i esforzos, pero a vida sigue e seguirá. Dende TMT desexamos a todos que no vindeiro 2015 se cumpran todos os bos desexos de cantos, homes e mulleres, saben desprenderse de un pouco de si, para compartir cos demais e que veña cargado de bens, ilusións i esperanzas para todos, cargado de ventos de liberdade en todos os ordes; cheo de novas ideas que sexan capaces de devolvernos mais e mais as ilusións que nos faltan.