Fondos Europeos: o FEP

p/ Inés Monteagudo Romero, Técnico de inspección e promoción Agader

Como comentamos anteriormente a UE conta con varias ferramentas financeiras para levar a cabo as políticas rexionais acordadas polos seus organismos, entre elas os Fondos estruturais e o Fondo de cohesión por un lado, e os fondos adicados á conservación e xestión dos recursos naturais, sinaladamente a pesca, a agricultura e o medio ambiente, por outro.

Neste contexto é no que se enmarca o Fondo Europeo da PescaImagen13 (FEP), no que se da maior relevancia a relación entre o desenvolvemento económico do sector pesqueiro e o coidado dos recursos e medio mariño. A pesares disto, o FEP segue a compartir moitos dos procedementos e filosofía que atopamos nos fondos estruturais.

As axudas do FEP destinanse á apoiar a política pesqueira común, promover o equilibrio sostible entre os recursos e a capacidade de pesca, potenciar a competitividade das estruturas de explotación, fomentar a protección e mellora do medio ambiente, promover o desenvolvemento sostible e a mellora da calidade de vida nas zonas costeiras con actividade pesqueira, e promover a igualdade entre homes e mulleres.

Non imos entrar nos diversos instrumentos programáticos que se requiren para a posta en marcha dos recursos que ofrece o fondo, limitándonos a sinalar os eixos prioritarios de actuación, e as medidas e accións previstas en cada ún.

Eixo 1: Medidas de adaptación da flota pesqueira. Neste eixo financiase a paralización definitiva de actividades enmarcada nun plan de axuste do esforzo pesqueiro. Tamén a substitución de motores, paralización temporal das actividades para axustar o esforzo á produción do caladoiro, investimentos que melloren as condicións de seguridade a bordo, as condicións de traballo, a hixiene e calidade dos produtos, o rendemento enerxético e a selectividade. Neste eixo teñen cabida tamén as melloras na pesca costeira artesanal.

Eixo 2: Acuicultura, pesca interior e comercialización de produtos da pesca e da acuicultura. Este e un dos ámbitos de actuación esenciais do programa operativo español, e pretende dar prioridade ao desenvolvemento sostible da acuicultura, e a transformación dos produtos da pesca e da acuicultura.

Eixo 3: Medidas de interés público. O que se pretende e incentivar aos axentes implicados no sector pesqueiro para que poñan en marcha actuacións conxuntas das que se derive un beneficio Imagen12común, así como a mellora da competitividade, modernización de portos pesqueiros, promoción e desenvolvemento de novos mercados, e experiencias piloto.

Eixo 4: Desenvolvemento sostible das zonas de pesca. O que se pretende é complementar os ingresos a través de fontes alternativas de emprego. E neste eixo no que se implementa o que se deu en chamar filosofía Leader, isto é, a aplicación a través dun enfoque “abaixo-arriba”, implicando a axentes públicos e privados , que se agrupan no que se denomina grupos de acción costeira. Os grupos propoñen e aplican unha estratexia de desenvolvemento local integrado. En Galicia hai 7 zonas, en cada unha das cales actúa un grupo, son GAC 1 A Mariña Luguesa-Ortegal, GAC 2 Golfo Artabro, GAC 3 Costa da Morte, GAC 4 Seo de Fisterra-Muros Noia, GAC 5 Ria de Arousa, GAC 6 Ría de Pontevedra e GAC 7 Ría de Vigo-A Guardia.

Eixo 5: Asistencia técnica. Difusión de accións e a contribución comunitaria, así como apoio as actuacións de preparación e execución.

En Muros tiveron especial incidencia, nos eixos 1 e 2, as accións destinadas á paralización temporal da actividade pesqueira, as destinadas á renovación e modernización da flota, ás destinadas á construción e modernización de bateas, á melloras na xestión, á adecuación das instalacións da lonxa, entre outras. No eixo 3 son de destacar as actuacións implementadas pola Confraría de Pescadores de Muros, mediante o desenvolvemento de sistemas de vixilancia, adquisición de vehículos e embarcacións para actividades de seguimento, e a contratación de biólogos e persoal de vixilancia.

En canto ao eixo 4, nos últimos anos o GAC aprobou unha serie de proxectos, entre os que destacan no noso concello os seguintes:

-Recuperación de galeón, importe total proxecto 98.466,79 €, promovido por entidade pública.

-Empresa de turismo náuticas, importe total proxecto 124.846,54 €, promovido por unha sociedade mercantil.

-Ampliación de rede de escolas naúticas Nalu, importe total proxecto 198.912,05 €, promovido por unha sociedade mercantil.

-Dotación de mobiliario á Escola de deportes naúticas de Sel, importe do proxecto 41.065,00 €, promovido por entidade pública.

-Rehabilitación de edificio para pensión-taberna, importe total do proxecto 313.332,58 €, promovido por particular.

-Pesca deportiva, importe total do proxecto 28.973,21 €, promovido por particular.

-Posta en valor do patrimonio mariñeiro, importe total do proxecto 68.971,22 €, promovido por entidade de dereito público.

-Corredor costeiro: Bornalle, importe total do proxecto 85.000,-, promovido por entidade pública.

Tamén se aprobaron actuacións conxuntas, promovidas por varias entidades, que suporán melloras no noso concello, e que teñen que ver básicamente coa comercialización de produtos da pesca, trazabilidade, etc.

A piques xa de rematar o prazo de xustificación deste período de programación, veremos que nos preparan para o próximo!

Moi bo nadal e mellor ano!

Anuncios

Acerca de themurostimes

“THE MUROS TIMES” non se responsabiliza nin se identifica coas opinions verquidas por parte dos seus colaboradores nos materiais publicados.
Esta entrada fue publicada en Cousas que interesan y etiquetada , . Guarda el enlace permanente.

Deixa un comentario

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

w

Conectando a %s