p/ Alianza Uhía Patiño
Non é fácil que neve en Muros porque está ao nivel do mar, e a temperatura necesaria pra que se produza o fenómeno metereolóxico da nevada nunca chega aos mínimos necesarios, pero aínda así, e como somos un pouco diferentes (case todo nos pasa), ao longo do século anterior déronse nevadas en Muros; pequenas nevadas que encheron o pobo dun branco invernal e que trouxeron a ledicia do inesperado ás nosas xentes.
Non se conservan moitas fotos deste fenómeno extraordinario nas nosas terras, pero as poucas que hai son un claro testimonio do fermosa que queda a Vila cando a neve cubre co seu blanco manto os seus tellados e rúas.
Aquí deixo unhas fotos de diferentes anos nos que nos visitou a neve. Seguramente que alguén terá nos seus caixons algunha mais, pero estas son unha boa testemuña gráfica.
Teño a esperanza de que este ano tamén neve, e que se cumpra o dito popular que todos coñecemos: “Ano de neves, ano de bens”.