Por mais que buscara non din encontrado unha foto del actualizada. Todo o seu perfil está cheo de fotos de todo tipo, pero del tan só unhas poucas, i as que hai, son de cando era neno. I e que Pepe e así, unha persoa inmensamente humilde. Sempre coa súa cámara ao lombo, é hoxe, mais ca nunca, un notario da realidade e da actualidade, porque non perde ocasión de plasmar e fotografar canto acontecemento se produce no noso Concello. Pero hai moito mais. As súas fotos son auténticas obra de arte, feitas co pincel dixital do seu obxetivo. Fotos de aquí e de acolá, pero con uns referentes moi claros: Montelouro e a Vila, que son fotografados por Pepe con unha excelencia profesional digna de eloxio. Só contemplar as luces das súas fotos é como adentrarse nun algo diferente. Solpores e amenceres son captados por este Lourean con un tacto primoroso. Poucos como el poden facelo, por moita cámara que teñan. I é que Pepe, humilde de seu, traslada ao seu ollo, e de ahí á cámara, a sensación de paz interior da natureza na mais perfecta naturalidade.