p/ Nieves Formoso Vidal
Fotos de Quín Caamaño, Nieves Formoso Vidal, Antón Rey e Beniroxo.
Durante séculos, as campás das nosas igrexas convocaron, celebraron, recordaron e conmemoraron. Nun principio, servían ás nosas xentes como unha ferramenta de comunicación masiva para os asuntos espirituais e seculares. Hoxe en día, a pesar da aparición da comunicación moderna masiva como a radio, a televisión e Internet reduciuse a envergadura do papel comunicativo das campás das igrexas, que non obstante conservan gran parte do seu significado orixinal.
As campás chaman e anuncian as celebracions relixiosas. Chaman a oración, repinican ao gozo de groria, anuncían o inicio da novena ou da misa e tamén se utilizan para anunciar as vodas ou os funerais. O toque de defuntos faise a primeira horiña da mañá, logo as tres da tarde, e durante o funeral. Nalgunha das parroquias de Muros conservanse diferentes , así, para tocar a o toque é moito máis lento que o timbre normal, e acontece nove veces se un home morreu e seis veces se é muller quen morreu. Nalgún tempo tócabase a idade dos falecidos. Por exemplo, se o falecido tiña 65 anos, a campá soaria 65 veces ou seis veces cunha pausa e logo cinco veces. Nunha voda, a forma exacta da chamada era moi variable, aínda que sempre vigorosa e chea de vida e na conclusión da cerimonia, pero agora xa non se toca a voda. Todo se vai perdendo.
Na Idade Media, a cidade europea típica era construída en torno á súa igrexa. As campás anunciaban certos eventos sociais da comunidade e tamén chamaban á xente do pobo á oración e á misa e incluso anunciaban de perigos. (invasions, lume, epidemias, etc). Nas igrexas medievais, as diferentes badaladas indicaban os días de festa, o tipo de servizo da igrexa e se se predicaría un sermón. Según un coñecido teólogo, as campás estaban destinadas a simbolizar a voz de Deus chamando a xente á oración, aos servizos da igrexa e a Cristo. Pero, para ben ou para mal, todo pasa. Non tardarán os tempos en que as campás soarán non móviles ¡¡.
Acompaño a este pequeño artigo unhas fotos das campás das igrexas do noso Concello.