p/ Alianza Uhía Patiño

FisionBoys está formado por 4 chavales de Muros, das parroquias de Serres (Baño) e Louro (Ventín e Louro).

Tocan música de garaxe e fan moito “ruído”, así se definen eles, con moita sorna.

Teñen temas propios que están gravando actualmente na sala Nasmo, pero versionan moito tamén, con grupos de referencia como The Hives ou Libertines.

Empezaron dous colegas que ían ás Escolas de Música de Carnota e Muros tocando con varias rapazas, pero pouco a pouco ese grupo mixto foise desfacendo e quedando eles sós, incorporaron máis tarde aos outros dous membros, ata hoxe.

Eles son:

Alberto, 16 anos e toca o baixo.

Samuel, 18 anos coa guitarra. Estudio guitarra e batería na Escola de Música de Carnota.

Javi, 16 anos e é o batería. Estudia percusión dende hai anos na Escola de Música de Carnota.

Xanma, 17 anos á guitarra. Estudia na Escola de Música de Muros.

Coma moitos outros, están eternamente agradecidos a Juan porque lles da todo sen pedir nada a cambio, aconséllaos e guíaos no camiño da música.

En canto ás dificultades a aspiracións, eles, coma moitos outros, cren que as dificultades son que teñen problemas para xuntarse; un deles estudia fóra e xa só se poden ver as fins de semana, e pola idade, pois pónselle bastante costa arriba deixar as festas, os ligues, as saídas … Pero aí seguen dándoo todo e peleando por conseguir tocar nun gran concerto, fóra das fronteiras da nosa vila e que o público aprecie a música que fan.