A súa man no teu peito.

p/ Manuel Mª Pena Silva.

 Vive o traidor de tal xeito,
resentido, enrabechado,
coma alacrán, infectado
dun Xudas insatisfeito.

Campa, malandro, maltreito,
deglutindo vilanía:
como ha cobrar plusvalía,
recargo do seu despeito.

Rega, malvado, esa espiña,
e relambe ese desgusto;
proba no humilde e no xusto
as propiedades da tiña.

Fogo de inferno, de feito,
a súa man no teu peito.

(Rioderradeiro)