Muros, 19 de xullo de 1973
Entrega de títulos a 18 novos patróns de pesca de litoral e entrega da Cruz de Mérito Naval ao Axudante de Mariña de Muros.
O 19 de xullo de 1973, a Vila de Muros recibiu a visita do Comandante Militar de Mariña de A Coruña, Don Felix Basterreche del Carre, quen, en unión do
entón alcalde de Muros don José María Monteagudo Romaní, do delegado provincial do Instituto Social da Mariña, don José Antonio Sánchez Riera, do procurador en Cortes representante das Confrarías de Pescadores, don Baldomero Fernández Calviño, do Xefe de Fomento Social do ISM, don Rafael Arias; Xefe do despacho de buques da Comandancia Militar de Mariña de A Coruña, don José Luis Gil Cagiao: patrón maior da confraría de Pescadores de Muros, don Manuel Romero Formoso e do delegado local do ISM, don Fernando A. Lago Lorenzo, presidiron o acto de entrega de títulos a 18 novos patróns de pesca de litoral e imposición da Cruz de Mérito Naval ao Axudante de Mariña de Muros.
Abriuse o acto con unhas verbas de don Rafael Arias, procedéndose seguidamente a entrega dos títulos aos 18 novos patróns de pesca de litoral de segunda clase, que seguiran un curso dende o mes de febreiro. Ao patrón número un desta promoción, don Elisardo Caamaño, o Instituto Social da Mariña como recompensa a súa dedicación nos estudos, de uns prismáticos. A Caixa de Aforros de Santiago recompensou a cada un dos novos titulados con un derroteiro das costas galegas.
Entregados os títulos, o alcalde de Muros, don José María Monteagudo Romaní, dirixeuse aos novos patróns, felicitándoos polo título conseguido, facendo, a continuación unha extraordinaria semblanza do Axudante de Mariña de Muros, tenente de Navío don José Rivero Rodal, que iba a ser condecorado neste mesmo acto. O orador felicitou a Mariña por destinar a Muros a un home das dotes e valía do señor Rivero Rodal.
A estas verbas do alcalde contestoulle o comandante militar de Mariña de A Coruña, don Felix Basterreche del Carre, quen exhortou aos novos patróns a que seguiran por esta liña que se marcaran e que tiveran sempre presente as responsabilidades que desde este momento asumían. Tamén felicitou as autoridades da Vila por este curso impartido, animándoos para que este fora o punto de arranque para futuros cursos e máis altas titulacións.
A continuación, o xefe de Despacho de Buques da Comandancia de Mariña de A Coruña, don José Luís Cagiao, deu lectura a Orde Ministerial, pola que, a proposta do vicealmirante comandante xeral da Zona Marítima de Canarias, concedíaselle a Cruz do Mérito Naval, de segunda crase, con distintivo branco, ao tenente de Navío don José Rivero Rodal, Axudante de Mariña de Muros, en atención á meritoria labor desenrolada no desempeño da súa misión, con ocasión de comandar unha lancha de desembarco en augas de Canarias. Entre grandes aplausos, a Cruz foille imposta polo Comandante Militar de Mariña.
Finalmente, don José Rivero Rodal, vivamente emocionado, agradeceu tódalas probas de afecto das que estaba sendo obxeto, felicitando tamén aos novos patróns pola atención e dedicación plena prestada durante todo o curso. O acto, que se celebrou no salón de plenos da casa consistorial, rematou con un brindis. (fontes; xornais da época)
Apóstolo. O día elixido foi o 10 de agosto, e pese a ser un día laborable, non por eso a afluencia de fieis foi escasa. Aproveitando o fin de semana e a celebración en Santiago da Exposición Rexional Galega, a presencia muradana foi más que notable. Esta exposición foi visitada polo Rei Alfonso XIII o 25 de xullo, quen pernoctou no Hospital Real. Como anécdota da pernota do Rei en Compostela, engadir que a cama onde o Rei Alfonso durmiu, atópase hoxe, -conservándose en moi bó estado-, nun domicilio de Muros.
que se trata de Muros. A súa ría e o seu mar son un tesouro, e os montes que a abranguen mesmamente son o belido estoxo que gorece esta tan prezada xoia.
aforriños todos, que os arruínan, son os avogados. Esa é a súa debilidade, o seu punto fraco. Gozan cos preitos, que o mesmo llo poñen ó veciño, coma o parente ou os irmáns pola cousa máis insignificante: o rego do regueiro, os lindes, os marcos, as partillas, a herdanza ou o cancelo. Para eles todo lle sirve con tal de pór un preito.
The Muros Times 