The Muros Times

p/  Alianza Uhía Patiño.

5 compoñentes:

Lalo (31, guitarra)

Tucho (26, baixo e coros)

Pablo (21, guitarra e coros)

Carlos (25, batería)

Dani( 27, voz).

Todos eles sen formación previa, autodidactas e de bo oído.

Zeros comezou como unha forma de diversión entre 5 de amigos de Louro (Muros), que compartían o gusto musical e que se xuntaban  para ensaiar e tocar, versionando aos seus grupos favoritos;  Rosendo, Barricada, Los Suaves, Platero y tú…   Pouco a pouco convertiuse en costume, ata que no verán do 2013 lle deron  a oportunidade de amosar o que estaban a facer e que tanto lles gustaba. Á xente que acudiu gustoulle o que escoitaba e así llo transmitía a eles, así que foron aumentando o repertorio e comenzaron a traballar en temas propios, no que se notan as referencias citadas anteriormente.

Nese mesmo verán tocaron no Asaghieiras Máster Festival, compartindo escenario con grupos xa consolidados. Foi una experiencia increíble para eles, e a partir de aí, abríronse algunhas portas nos pobos veciños e non tanto… Concertos en Carnota, Corcubión, Santiago de Compostela…e Muros. Tocar no Castelo Rock 2014, compartinco escea con Terbutalina, o Caimán do Río Teo e Los Suaves, foi para eles o evento máis importante e máis lembrado ata o día de hoxe, pero seguen a traballar nos propios temas (gravados nunha maqueta na que se identifica o noso estilo, que é o que nos gusta facer, e o camino que queremos seguir).

As expectativas destes mozos é seguir e avanzar, mover a maqueta e seguir tocando en festivais, salas, pubs … ao longo da Comunidade, e porqué non, mais alá.

Agradecen este artigo e aproveitan para mencionar a certas persoas sen as que sería imposible que este proxecto saíse adiante, entre eles, Naso do Xeixo, Jaime de Cacho, Marcos, Javi, familias e parexas, e como non, a Juan da Nasmo polo seu tempo, coñecementos e paciencia.

Déixovos o seu enlace de facebook, www.facebook.com/ZEROS , onde poderedes ver fotos do grupo e videos dalgúns concertos.

No  twitter: @info_zeros

p/ Alianza Uhía Patiño.

TRAPOS SUCIOS

Falar de TRAPOS SUCIOS xa son palabras maiores, posto que estes muradáns chegaron e están a chegar moi alto. Grupo de rock por excelencia.

Comezan  xuntándose no ano 2002 nun piso vacío dun dos componentes, Juno, que máis tarde, por motivos laborais e persoais ten que deixar o grupo. Na actualidade segue o resto xa con estudio propio e moito traballo ao lombo.

Son Germán Mosqueira  (canta),  Ricardo Mayo, Kaio (guitarra), Denís Lamela (guitarra); Manolo Romero, Tararo (baixo) e Pedro A. Lago (batería).

A ilusión compensou a falta de experiencia e, despois de moito traballo, logran gravar, no ano 2006, a súa primera maqueta: “En un lugar olvidado”.

Pechados no estudio, enfráscanse na gravación dos 12 temas que formarían o seu primeiro disco, en xuño de 2007, “¿Y tú qué opinas?”, que contou coa colaboración dun número un da música en Galicia, Javi Maneiro (O fillo da necha), cantante de Heredeiros da Crus e Jabon Blue.

A mediados de 2008 gravan unha maqueta de 4 cancións da que se regalaron 1000 copias en adianto do que sería o seu segundo disco en estudio, “Con el agua al cuello”, sacado á venda en xullo de 2009 e distribuido en toda Galicia.

Trapos Sucios compartiron cartel con grupos da talla de Rosendo, Barricada, Barón Rojo, Porretas, Gatillazo ou The Lokos e colaboraron no seu directo artistas da talla de Charlie (baixista de Los Suaves).

No ano 2008 quedan 4º clasificados no concurso «A polo ghit» que organizou a Radio Galega e proclámanse campeóns do «I concurso de rock da deputación da Coruña».

En 2013, despois de moito tempo preparando o seu seguinte traballo e apartados dos escenarios, presentan «Idiocracia», 12 novas cancións coas que iniciaron un novo período de concertos.

Pensando no novo proxecto, non deixan de tocar e mostrar as súas gañas e a súa ilusión alá por onde van.

Teñen páxina web propia http://www.trapossucios.com  onde se pode consultar todo o relacionado co grupo: noticias, concertos, fotografías, videos, letras, escoitar a súa música… e incluso descargar gratis os discos e maquetas.

Déixovos este enlace que é dunha entrevista sonora bastante recente nos últimos minutos do programa do festival rock in río tea http://www.ivoox.com/4077616

E estoutro que é dunha entrevista algo máis antiga, escrita pero moi completa http://musicaengalego.blogspot.com.es/2012/10/entrevista-trapos-sucios.html?m=1