The Muros Times

Miriam Lago Sendón, naceu o 21 de febreiro de 1982, en Muros. Mudouse á illa de Lanzarote aos 19 anos onde traballou como camareira durante os 10 anos seguintes. Entre café e café utilizaba os comandeiros onde anotaba as bebidas para escribir calquera historia que se lle ocorría, inspirada na historia dalgún cliente. Con esas notas foi facendo un libro destinado á familia por Nadal, e así descubriu que esta era a súa verdadeira vocación. Así naceu “Entre sueños y paseos” . Non parou de escribir desde entón, creando blogs onde expón algún dos relatos, grupos de lectura facebook e e unha páxina persoal onde, a parte dos seus relatos, descubre novos escritores, ilustradores e artistas. Actualmente colabora en Universo da Maga, unha web cultural de Granada.
Con “Entre sueños y paseos” experimentou por primeira vez coas editoriais, pero pronto se fixo con todos os dereitos da obra para o seu auto publicación. A penas un ano despois, xurdille a idea de ”Y me llamé justicia”, un relato longo que, a verdade, está a gustar moito e da que pronto teremos noticias novas, novos plans.
Agora mesmo está a terminar a súa primeira novela fantástica. Esta novela a leva “cociñando” dende fai varios anos. De feito a idea inicial desta novela xurdiulle aos catorce anos, pois pasaba por unha época de conflito interior de preguntas constantes e necesidade de ampliar os seus coñecementos. Mirián foi apuntando toda aquela idea que asomaba pola súa cabeza, independentemente de que tivese sentido ou non. Varios anos despois comezou a debuxar os personaxes, aos poucos, ta que xurdiu a posibilidade de documentarme mellor e estruturar a obra como tal.

Domingo Barreiros Lago, naceu na parroquia de  Louro, en 1942. Alumno da Escola de Abaixo e posteriormente do Seminario de Herbón onde cursou o bacharelato. Matriculouse no ano 60 por libre na Escola de Maxisterio de Santiago rematando os tres cursos da carreira no ano 61…oposicions para a praza de Mestre Nacional no 63 e exercendo 6 cursos en Alfabetización de Adultos (Outes, Noia, Carnota e Sobrado dos Montes). Servizo militar no Sahara e mestre propietario dunha escola de nenos no Freixo e outros centros de ensino, alternándoo todo como membro por máis de 20 anos na de todos coñecida “Orquestra Los Romero”, e para non se quedar curto foi o primeiro licenciado galego de Filoloxía Hispánica e Ciencias da Educación pola Universidade de Educación a distancia. Notable músico e compositor excelente, na actualidade e director das corais: Orfeón Ría de Muros, Coral «Agustín González» de Louro; Clube de Xubilados de Porto do Son, Liceo de Noia e «Francisco Añón» de Outes; Coral «Don Diego de Muros» e «San Xoán de Serres e Coral Xuvenil «Solpor de O Freixo.